Kalahari Akademie is 'n privaat skool opgerig in 2023 deur entrepreneurs en ouers met die visie om uitstaande Christelike Afrikaanse onderrig aan leerders van Graad 1 tot Graad 12 in Postmasburg aan te bied. Ons het die leemte vir 'n behoorlike geregistreerde onafhanklike skool in Postmasburg (wat ons jeug tot op Graad 12 in ons dorp kan hou) identifiseer, en wil ons graag die gemeenskap dien deur 'n hoë kwaliteit alternatief daar te stel.

Kalahari Akademie Skool het ten doel:

• Om 'n innoverende en toekomsgerigte onderrigsisteem op te rig, wat ons kinders beter sal toerus en voorbrei vir uitdagings wat in die vinnig veranderende wêreld op hulle wag.
• Om 'n kultuur te kweek wat probleme sien as geleenthede vir groei, eerder as struikelblokke wat kan lei tot mislukking.
• Om elke leerder se unieke sterkpunte en talente te help identifiseer, en deur positiewe aanmoediging en waardering individue te kweek met 'n karakter wat getuig van veerkragtigheid, selfvertroue en wedersydse respek.

Kalahari Akademie Skool streef daarna om:

• 'n Volhoubare preprimêre-, primêre- en sekondêreskool in die Noord-Kaap op te rig wat toekomsgerigte en relevante vaardighede aan leerders oordra.
• Ons leerders toe te rus om die verwagtinge en uitdagings van die arbeidswêreld wat deurlopend verander, nie net verduur nie maar te kan floreer deur die vaardighede wat selfgedrewe leer promofeer.
• ‘n Liefde vir leer by elke leerder te kweek sodat hulle lewenslange leerders sal word wat deur hulle kennis, vaardighede en ondervinding ‘n sinvolle bydrae tot die wêreld sal maak.